نصيحه لكل واحد بيسال عن الديب ويب
نصيحه لكل واحد بيسال عن الديب ويب
Deep web (الانترنت العميق)إيه هوا الإنترنت العميق .. ببساطة ومنغير كسم تعقيد ولا مصطلحات عميقة .. الإنترنت العميق دا يا جدعان يعني شبكات إنترنت مخفية ضخمة فشششخ أفشخ و أضخم بكتييير من شبكة الإنترنت اللي ظاهرة للناس كلها واللي بتتصفحها من خلال العملاق الفشيخ عمنا الشيخ / جوجل وطبعاً الإنترنت العميق ده عمرك مهتعرف تتصفحه عن طريق الشيخ جوجل ولا هتلاقي له أثر خالص علي الشبكة العادية " الإنترت المرئي " .. ليه بئااا ؟!! .. لإن ببساطة فشيخة عناوين مواقع الديب ويب غريبة فشخ و مش زي عناوين المواقع العادية اللي بنتصفحها واللي بتكون علي الشكل ده ( www.الدومين بتاع الموقع " يعني إسم الموقع " .com أو net أو org ..... إلخ ) .. لحد كدا كويس يجدعان ... أيوا يا عم فهد كويس بس سؤال : ليه الإنترنت العميق مش ظاهر لينا علي جوجل أو علي باقي المتصفحات ؟؟!!! .. ما أنا لسة جايلكم ف الكلام .. الإنترنت العميق مش بيظهر لينا عشان مش بيستخدم بروتوكول ال http والبروتوكولات المعروفة لينا لاااا القصة .. قصة تانية خااالص ف ال ديب ويب لإنهم بيستخدموا بروتوكولات مش معروفة حتي شكل لينكات مواقع الديب ويب غرييييب فشخ ... برضه إنت مش فاهمنا !! إنت مقولتلناش ليه مش بتظهر علي ال www يعني ال world wide web إيه الضرر في ظهور مواقع النت المخفي أو النت العميق علي الشبكة العنكبوتية العادية المرئية ؟!! ... منا لسه حالاً كنت هقولكم ليه ... لإن المواقع دي غير قانونية ومش خاضعة للرقابة الدولية مش عشان إنها فوق القانون إنما عشان ببساطة اللي بيستخدموا المواقع دي ليهم طرق سرية ما بينهم مش معروفة للسلطات والحكومات والطرق دي بيستخدموها في كل ما هوا غير قانوني وغير أخلاقي زي تجارة المخدرات و السلاح وتجارة الأعضاء البشرية وتعليم الهكر وبرضه تعليم صناعة الأسلحة والمتفجرات وفيه بلاوي تانية كتير فشخ مش عايز أقولها عشان مطولش يعني بإختصار ( كل البلاوي السودة اللي علي الكرة الأرضية موجودة ع الديب ويب ) بالرغم إن النت العادي أساساً عليه مصايب هوا كمان بس ميجيش 1 ف الألف من البلاوي السودة اللي ع الديب ويب والمفاجأة الكبيرة يجماعة إن الديب ويب ده أضخم ب كتير من النت العادي اللي كلنا بنستخدمه ومش عايز أقول أرقام أو نسب من دماغي عشان المصداقية في كلامي بس ( الصورة اللي موجودة تحت البوست بتوضح نسبة الإنترنت العادي بالمقارنة ب الديب ويب " الإنترنت المخفي " & و طبعاً الإنترنت العادي هوا اللي ظاهر فوق و الإنترنت المخفي اللي موجود في القاع تحت في الصورة ) يعني تقدر تقول إن الديب ويب عالم تاني مخفي جوا العالم بس إلكترونياً .. طيب إنت ليه بتقولنا المعلومات دي ... عشان تكون عارف اللي بيدور حواليك وتكون حذر وميكونش عندك حب إستطلاع وتقول أنا هدخل النت العميق ( إحذر كل الحذر ) ... خد بالك مش أي حد يدخل عالم النت العميق ( لييييه ؟!!! ) .. لإن معني إنك داخل النت العميق إنك شخص unusual يعني شخص غير عادي بمعني شخص محترف ومتقدم أو شخص مخالف للقانون وإنت طبعاً طيب وغلبان وشخص عادي ( normal user ) بس عندك فضول وحب إستطلاع ومتعرفش مخاطر النت العميق والمصايب السودة اللي ممكن تلبسها لو دخلت للنت العميق ( لو إنت شخص مش محترف في عالم النت بشكل عام وفي عالم الهكر بشكل خاص ) .. بص معايا أساحبي و آآزميلي إيه اللي ممكن يحصلك لو دخلت للعالم ده منغير متكون محترف :
- الأول ممكن بمنتهي السهولة خالص أقل حاجة يتحدد مكانك بالظبط عن طريق ال ipp وممكن يتعرف إنت مين وعنوانك فين ومين قرايبك وكل حاجة عنك وده بيتم عن طريق تقنيات الهندسة الإجتماعية " social engineering " ( ال وبالتالي ممكن تتعرض لمحاولة إبتزاز كبيرة ومحاولة للنصب عليك عن طريق علم الهندسة الإجتماعية اللي الهاكرز ممكن يستخدموه عشان يسرقوك وممكن جداً يتلعب في حسابك البنكي ويتسحب منه علي إنك إنت اللي سحبت ... ( الموضوع كبييير )
وممكن أكلمكم عن الهندسة الإجتماعية في موضوع تاني " بس لو تحبوا " ) (
- ممكن حد يورطك وينصب بإسمك لو عرف معلوماتك الشخصية وتتفاجئ إنت إنك لبست مصايب الدنيا ومنغير ما تعرف إن حد بينصب بإسمك
- ممكن تتعرض للسجن بالرغم من إنك غلبان ومتعرفش حاجة ف أي حاجة بس مجرد دخولك علي كتير من مواقع الديب ويب لو حد كشفه ممكن بسهولة تتعرض للمسائلة القانونية
- ممكن بمنتهي السهولة جهازك يخترق ومعلوماتك كلها تتسرق ولو عندك أرقام كريديت " فيزا " تتسرق عن طريق طبعاً حاجة إسمها keylogger و ال كيلوجر ده بيسجل أي حاجة بتتكتب علي الكيبورد بتاعك واللي منها باسوردات حساباتك البنكية و الإلكترونية
- كمان الفيديوهات اللي ممكن تشوفها علي الديب ويب ممكن تسبب لك صدمة نفسية كبيرة جداً لإنك هتشوف عالم كله رعب وتعذيب وتقطيع ودم ( حاجة في منتهي الفظاعة والبشاعة ) يعني ممكن بمنتهي السهولة تتحول لإنسان مريض نفسي من اللي هتشوفه و بالرغم إني مدخلتش عالم الديب ويب قبل كدا خالص بس الكلام ده عرفته من الناس اللي دخلت العالم ده عشان كده خليك في النور و أوعي الفضول يخليك تدخل علي أي حاجة ممكن تسبب لك أي ضرر سواء عضوي أو نفسي أو قانوني ( وأهم حاجة بطل تدخل علي المواقع الإباحية )
ليست هناك تعليقات